Navega pola galería para ver as imaxes da estrea do documental ‘Chantada, a festa dos elementos’
En colaboración co Concello de Chantada estreamos o venres 25 de febreiro no auditorio municipal o documental “Chantada, a festa dos elementos”.
Arredor dun centenar de persoas reuníronse no auditorio para presenciar a estrea do documental. O traballo versa sobre a industria e a actividade económica do municipio e reflicte o traballo e a riqueza do tecido empresarial de Chantada, que aparece representado nesta peza audiovisual por numerosas firmas de diversos sectores.
Ignacio Seijo, director da produtora Xurdir, agradeceu ao Concello de Chantada e ás empresas o seu fundamental apoio para levar a cabo este proxecto. O alcalde chantadino, Manuel Lorenzo, salientou a importancia de dar a coñecer ao mundo toda a riqueza do seu municipio con traballos como o que se estreou este venres.
Xurdir firma, con esta produción, 25 documentais noutros tantos concellos galegos.
